Tisoriazos y recortes ayuri y enriba los costazos de los de siempre. La tropa de los pringaos que somos la mayoría.
Metá de tou l’espolín de midíes restrictives pa nós xorrecen noticies d’un llau y d’otru. Sueldos millonarios, euros marafundiaos en corrupciones de toa frasca, gran vida d’unos a costa de les penuries d’otros.
Cómo se ríen de nosotros. Cómos nos tienen puestu un ñarigón llevándonos a onde-yos sal de la entepierna. Qué bien lo pasen allarribón blindaos nel so poder a costa nuestra.
Persaben que la falta brutal d’intelixencia fai que los que los caltenemos a costa de fundinos cada día más na nuestra probitú tamos mil veces más dispuestos en solmenamos ente nosotros que n’axuntanos pa tornar los sos desmanes. Y ríense. Ríense abondo.
